Staan Saam teen Betredings op Plase

Sluit aan by die stryd teen betreding:

Betreding op plase het uitermatig hoë vlakke in Suid-Afrika bereik. Boere staar daagliks verskeie uitdagings in die gesig, van plaasaanvalle en diefstal tot onwettige jag en ongemagtigde toegang. Ten spyte van hierdie probleme, versuim die polisie en selfs die vervolgingsgesag dikwels om hierdie misdade doeltreffend te bekamp, wat boere weerloos en kwesbaar laat.

Waarom is Betreding ‘n Kritieke Kwessie?

Betreding is meer as net ‘n indringing, dit is ‘n skending van eiendomsregte, veiligheid en lewensonderhoud. Boere is veral kwesbaar vir onwelkome vreemdelinge op hul grond, wat lei tot verskeie probleme soos onwettige gebruik van hulpbronne, diefstal en selfs geweld.

Ons Missie by Saai

Ons het 2024/25 as die jaar teen betreding op plase verklaar en ‘n omvattende veldtog geloods om hierdie kritieke kwessie aan te spreek. Ons doel is om te verseker dat wetgewing wat met betreding verband hou, meer doeltreffend toegepas word en dat die misdadigers aanspreeklik gehou word.

Wat doen ons?

1. Hou owerhede verantwoordelik
   • PAIA-aansoeke: Eis deursigtigheid van die ministers van polisie en justisie oor betredingsverslae, ondersoeke, arrestasies en vonnisse.
   • Regsaksie: ‘n Hofsaak om die polisie en vervolgingsgesag te dwing om op te tree.
   • Druk op owerhede: Opvolgvrae oor die SAPD se hantering van klagtes van betreding in die parlement en druk deur politieke partye.
2. Bemagtiging van Boere
   • Aanmeldingsisteem: Moedig boere aan om betredingsvoorvalle aan die polisie te rapporteer en Saai daarvan in kennis te stel.
   • Betreedingsborde: Verskaf Kennisgewings- en Vrywaringsborde met digitale QR-kodes vir maklike toegang tot jou regte en vereenvoudigde aanmelding en opvolging.
3. Ondersteuning van slagoffers
   • Regshulp: Soek geleenthede om siviele eise teen die SAPD in te stel waar SAPD versuim om op te tree.
   • Privaatvervolging: Help slagoffers om betreders privaat te vervolg wanneer die vervolgingsgesag hulle in die steek laat.

Neem Deel

Rapporteer betreding: Jou betrokkenheid is noodsaaklik vir die sukses van ons veldtog. As jy of iemand wat jy ken ‘n slagoffer van betreding is, rapporteer dit aan die polisie en stel Saai daarvan in kennis.

Skenk: Ondersteun ons saak deur skenkings om ons pogings om betreding te bekamp en slagoffers te ondersteun, voort te sit. Sluit aan.

Versprei die woord: Deel ons veldtog op sosiale media, sluit by gemeenskapsbeveiligingsprogramme aan en neem deel aan ons geleenthede en werkswinkels.

Saam kan ons ‘n verskil maak en ‘n veiliger omgewing vir boere regoor Suid-Afrika skep. Sluit by Saai aan in ons stryd teen betreding!

Onthou: Die sukses van ons veldtog hang af van boere se deelname aan die aanmelding van voorvalle. Sonder hierdie data kan ons nie behoorlike druk op die gesaghebbers plaas om doeltreffend teen betreding op te tree nie. Help ons om ons plase en gemeenskappe te beskerm!